من طرف بسم الله الرحمن الرحيم
قال تعالى (ونادى اصحاب الاعراف رجالا يعرفونهم بسيماهم قالوا ماأغنى عنكم جمعكم وما كنتم تستكبرون )
اختي الغاليه ..
تخيلي معي..انك في يوم القيامـة والخلايق ينتظـرون الحساب وجاء وقت الفصل بينهم ..
وتحدد اهـل الجنه واهـل النار...
اهل الجنـه يمشوون اليها وكلهم شـوق لها ولنعــيمها وتتمنين انك منهم...
واهل النار يجرون لها ينتظرهم حرها ولهيبها والعياذ بالله..وتدعين الله عزوجل ان لايجعل مصيرك معهم..
حصلتي نفسك في مكان ماتخيلتي نفسك فيه ابدن او حتى ماجاء على بالك بالدنيا انك راح تكونين فيه بيوم من الايام تدرين وين >> على الأعراف
تساوت حسناتك وسيئاتك وجالسه بهالمكان تنتظرين الله يفصل في أمرك ويحدد مصيرك..الموقف جداً صعب..
تدرين ياختي وش اللي ينقصك علشان تدخلين الجنه ..شيء واحد بس
حسنـــــــــــه !!!!
أي والله حسنه وحده وانتي بهالموقف تنتظرين..وتقولين في نفسك حسنه وحده بس.. وجلستي تسترجعين ايامك بالدنيا...
بتذكرين لحظتها يوم مريتي ع صديقاتك ومابادرتي بالسلام وبتقولين ياليت سلمت وكسبت حسنه محتاجتها اليوم حيل...
بتذكرين يوم قابلتي اختك المسلمه وماتبسمتي في وجهها فالابتسامه صدقه...
بتذكرين يوم كنتي تصلين وماكنتي تخشعين في صلاتك كل تفكيرك بامور الدنيا ومشاريعها...
بتذكرين يوم سمعتي الآذان وكنتي تسولفين ولا رددتي خلف المؤذن...
بتذكرين الظلم وكيف اسأتي لصديقتك او جارتك ويمكن قابلتي الاحسان بالاساءه...
بتذكرين يوم كنتي ع النت اوالتلفزيون وفيه لقطه ماترضي الله وماغضيتي النظر لوجه الله تعالى...
بتذكرين يوم أخذتي تتبعين وتبحثين عن أخبار وفضائح الفنانات...
بتذكرين كلامك في أعراض بنات الناس !!!! يوم كنتي تسولفين ولاعندك أي مشكله انك شفتي فلانة واقفه مع فلان او تضحك مع فلان ...
بتذكرين الغيبه والنميمه ..ويوم كنتي تتكلمين عن شيخ او عالم من علماء الامه بشيء مايرضيه اوعلقتي عليه وضحكتي المجلس ...
بتذكرين مشاركاتك بالمنتديات واسلوبك وردك اذا كان جارح وسيئ ...
بتذكرين يوم لقبتي اخت لك بلقب وتدرين انك ضايقتيها وتماديتي ولا كانك سويتي شيء ..
الحين بسألك اللي قريتيه كله اذا كتب بصحيفتك بيكون لك والا عليك!!
بتلاحظين انك ضيعتي ع نفسك مو حسنه وحده لاااااا ....الآآآآآف الحسنات اللي كانت مارح تخليك بهالموقف
فياليت كل وحده تحاسب نفسها قبل ان يحاسبها الله تعالى...
قال تعالى (يومئذ تعرضون لاتخفى منكم خافيه)
اختي الغاليه...
من الان انتبهي لنفسك ولاتضيعين حسنه وحده يمكن تندمين عليها يوم لاينفع الندم فرحمة الله واسعه وفضله كبير ومن تاب تاب الله عليه ...ومن عاد الى الله غفر له ذنبه...
