صفـــــ الوردـــــــاء الورد تتألق ....على كرسي الأعتراف

السلام عليكم ورحمة الله وبركاته

يسعدني جلوسك اختي الغاليه على كرسي الاعتراف واتمنى لك وقتا ممتعا
اما انا فسؤالي من نوع اخر
وارجو ان تتقبليه كما عهدناكي دائما
وهو مكون من جزئين
شفتي وحده من صديقاتك لابسه لبس ماعجبك و قلتي :أستغفرالله عليها لبس (يفشل) و إختها وراااك ؟
انا في انتظار اجابتك وفي انتظار ردودك التي طالما سطرت صفحات منتدانا بصدق معانيها وابداعاتها

اهلين ياحلوين منورين الصفه

يسلمووو (زهرة الربيع )على الكلام الحلو,,,,,والله يخليك لي,,

بخصوص سؤالك::يعني مدري على حسب(وش اللي يفشل؟؟خلاعة اللبس مثلآ))ولو صار واختها سمعتني عادي بلتفت لاختها وببتسم وبعيد نفس الكلام

واكيد لان اختها سمعتني :: بقول لصاحبتي اللي هي راعية اللبس...بس طبعآ بمزح بجيبها....

وبس ياحلوه ,,,دمتي بعيده عن هالمواقف

اما انت ياشروووقه مدري وش اقولك’’بس بما انك استطردتي بالكلام شوي ,,انا بعد بستطرد:::

قبل لا اقول اي شي’’انا كان عندي شك اني ازعجتك او احرجتك,,وتأكدت,,وودي اقولك سوري بقوه وانشاء الله تسامحيني

وجابه اشكرك على الكلام اللي قلتيه عني...ومنجد فرحني واسعدني ومو مصدقه انت بشحمك ولحمك تتكلمي عني....

وبعد كلامك الحلو صار عندي ؟؟؟؟استفهام كبير؟؟؟؟بس بأجله لين يجي دورك بكرسي الاعتراف

والحين صار دور اجاب على السوال:::

اتكلم ياقلبي لان اللي بقلبي على لساني<<<بس وربي مو مع الكل

انا مسويه لكلامي حدود كثيره>>واللي ما ارتاح له مااتكلم معه<<الا لو اجبرني الموقف

بس لما اشوف الشخص مره واثنين وثلاث واحبه وارتاح لوجوده...

تنفك هالحدود او بمعنى اصح الحذر,,واقوله كل اللي ببالي ,,وتفكيري ,,واحساسي اتجاهه

ويااامااا صار لي مشاكل من وراء هذا>>>المصيبه انو اللي انا حبيتهم يكونو هم لسه ما حبوني

او مايتوقعو اني اكون على نيتي معهم<<وما اقصد اي معاني ثانيه

وادري هالشغله كثير مايصاحبها التخبيص بالكلام...

يعني بالمختصر المفيد:::

اتكلم لاني على نياتي زياده,,,,وهذي الزياده اللي موعاجبتني واللي متعبه الناس

وبس ياعسل,,انشاء الله اكون شفيت غليلك بالاجابه

ويعطيك الف عافيه على السوال القوي بس حلو لانه منك

وانت(اميرة الورد)ياهلا وغلا ومنوره والله....وعسانا ماننحرم طلتك

وبعد يسلمووو على الكلام الحلو..وماعليك زود والله

اما بخصوص السوال::::

ياعمري على نفسي انا..صح انا من النوع اللي يرد حقه(او ينتقم

بس هذا مع الناس بشكل عام((ان لم تكن ذئبآ اكلتك الذئاب))

اما مع الناس العزيزه مره لا ,,,,اكيد مابنتقم,,,بالعكس بسرعه بقولها وبواجهها

مو عشان مو واثقه منها لا اكيد الكلام طلع بطريقه غير مباشره....وبعطيها فرصه انها توضح او تفسر ,,

وحتى لو مالقينا تفسير للي صار,,,,بعد مابتركها بالعكس بستحقر الي حاول يفرق بيننا

لاني ما اثق باي احد اشوفه او ارتاح له....اللي اثق فيهم بحياتي ينعدون باصابعي

والحمدلله انا مقتنعه فيهم,,وحابتهم,,ومستحيل اتركهم بسبب كلام

وكلهم يستحقون ينعطون فرصه تانيه وثالثه حتى,,,,لين يخلص رصيد حبهم عندي.........وبس ياحلوه

سوالك حلو ومنجد الحين انا صرت متحمسه ومنتظره كل الاسئله’’’’’

سؤالي هوا














































كم عمرك!!!

عمري ياحلوه21

يعطيك العافيه,,,على السوال الحلو

عزيزتي صفاء اكيد تعبتي ونت جالسه على الكرسي ياعمري عليك
بس يلا خلينا نروح انا وياك ونغير جو وانشاء الله بنغيره وسؤالي هوا يخص المنتدى بعيد عن الاسئله اللي طرحوها لك الاخوات

وسؤالي هوا ؟؟؟؟؟

ماهوا اقراحك االذي تتمني ان يحدث في المنتدى ولم يحدث حتى الان ؟

ومنهو العضو اللي ودك تتضاربي انت وياه في المنتدى ؟؟؟؟
ودمتي بحب حبيبتي

يا هلا وغلا بالغلا....

بخصوص السول الاول::

انو يصير يوم محدد ومعروف عند الكل لمسابقه (صوره وتعليق)

والسوال الثاني::
ثلجه مقليه

يؤ يؤ يؤيؤ -------صفاء الورد على كرسي الاعتراف
لازم استغل الفرصة هذي بس حرام ما نبي نثقل عليكي يا عزيزتي
سؤالي هو
موقف طريف تعرضتي له وما تنسيه؟
موقف محرج ما نسيتيه؟؟
اتمنى اسالتي ما تكون محرجة لكي بس من معزتك و نجوميتك ودنا نعرف كل شي عنك

تحياتي

امممم والله انا عندي مواقف كثير......بس ماعرف احكيها بالكتابه,,,,(وسبق ومكتبت عن بعض المواقف)

عمومآبما انه كرسي الاعتراف وبما انه انتي عضوه جديده وغاليه علينا رح اكتب موقف ثالث"""

مره بالثنوي ..كان عندناسور كذا قاسم الساحه <<بس هوداخل المدرسه طبعآ

انا وصديقاتي كنا شوي فينا فضول وش وراء هذا الجدار>>وفعلآنطينا بس انا ياعمري ما اعرف اطلع الا بمساعدتهم وبشي اطلع عليه

المهم لقينا عربات البناء اللي يشيلون فيها التراب

وعجبنا الوضع صرنا نتسابق فيها وحده تركب والثانيه تدف>>>ذكريات والله

لين فتح الباب وصار لازم اخرج لان ابوي يجيني بدري>>مشاء الله كل صديقاتي يطامرون على السور وحده ورا الثانيه

وجاء دوري (طبعآ باقي وحده فيهم عشان تساعدني)وفعلآ ياعمري عليها ساعدتني بس لقيت الاخوات مختفيات والكرسي اللي ساعدني اطلع بعد مختفي

عصبت وقمت اتكلم وانا على السور واصرخ واقول جبيبوه بلا هباله...المهم الطامه الكبرى انو في وحده من المعلمات التفتت ولقتني على السور

جبت العيد>>>جات وخلتني فرجه المدرسه بس بعد هي طيبه ماسوت لي شي (بس فشلتني طلعنتي ولد وقرد وكل شي..وانا قلت لها صديقاتي مزحهم ثقيل رمو الجزمه حقي)

رغم اني حنبت على السور لين راحت وجاني الكرسي,,,والله اني احس صرت علك المدرسه اسبوع

وبس ياحلوه هذا احد المواقف اللي مابنساها

ويعطيك العافيه على الشاركه الحلوه,,,,,,,,دمتي بعيده عن الاحراج

الله يسلمك ياعسل

بالعكس الكرسي كان مره مريح وحلو

وضيافتكم كانت ميه ميه

ماخليتو شي ماجبتوه>>>>عقبال عندك يارب