من طرف سندريلا بنيه جويده ما احد كماها ومرت ابوها مسعد لها شله
وخواتها علويه وخديجه المنظفات
كل شي فوف كور سندريلا
تحش تحت الغنم وتلقي الضحى وتخبز في التنور وتلقي القضوض
ذيك الليله ام الامير لقت معقد نبو فيه على كل اهل حضرموت
حتى يجيبون له عروس زينه
فرحت سندريلا وقالت اني بغيت اهب معاكم لما المعقد
قالت خالتها: كذا بتي هناك عاد الا الخدم بايسرن المقاعد
وسرت هي وبناتها وخلت سندريلا تبكي
يات لها ام عبود وقالت تعالي يابتي اني بعطيش ذا الدرع وذا المقنع
وبتقعين الا حياة الحيييه
كنش ذهني الساعه 12 تريعين لما الدار حتى مرت ابوش وبناتها
مايشوفونش وينقرن عقدش
هبت سندريلا وشافت الخلق واشترحت هي والامير
وغرمت به
وقالت امه هومن ذي البنيه الزينه
ودقت الساعه 12
وفزعت سندريلا وخبت خبت
والامير قفاها يخب
وسقطت حذيتها من رجلها وتعب الامير وهو يخب قفاها
وما عرف من هي ولا بت من ماشي الا الحذيه وريع وهو مشتق وزعلان
قالت امه وذحين ايه بانلقى
قال ماشي بانشوف هومن تجىء في رجلها الحذيه باعرس عليها
وسار بين كل البيوت يقاوس الكنره على ارجل البنيات واللي تقع عليها بيعرس عليها
لاما وصل عند بيتهم وخرجت الشمطاء والثنتين الجحشات حقها
لكن ماوقعتشي الحذيه قد هن
وسألهن عن باقي بنيات عندكن قالوا مابش الا الخدامه قالوا سيروا هاتاها
ولما جت قاستها الاوهي قياسها سوى بتمام والكمال
وعرفوا انها هي كانت بالحفله وعرس عليها الاميرر
وعاشوا في تبان وفي نبات وعيلو زقور وزقرات
ونجحت القصه
بالله وايشرايكم بالمعجم الجديد..يخسي الفرنسي قدامه
هههههههههههههههههههه
والله يبعد عنك الضيق والهم ويجعلك دائمه مبسوطه ومرتاحة البال 
