من طرف | ياليت ماتنفع ولوقلت ياليت | |
| لافادليتي ولافادليته | |
| أذكرصحيبك كل ماأصبحت وأمسيت | |
| يشيل حزنك لاحزنت ولفيته | |
| يحس في همك لوماتحاكيت | |
| يعرف شعورك لوصمت وخفيته | |
| أعرف وأقدرمنزلك يوم قفيت | |
| وأعرف كيانك لوتضايق فديته | |
| الله يهون ظرفك العام مريت | |
| فقدت غالي ثم راح وبكيته | |
| لامانسيته اذكره ماتناسيت | |
| بس أتصبرولاحالي بريته | |
| مدري وش أكتب ضايق(ن)يوم عديت | |
| من يوم جاني علمكم مانسيته | |
| لوفي يديني شي ماكان خبيت | |
| ودي أساعدبس مافادليته | |
| دعيت ربي ياهوى البال وأذريت | |
| ماذوق حزنك والدمع ماذريته | |
| عساك طيب كل مارحت ولفيت | |
| وليت الفرح ينشرى لك شريته | |
| اللي حداني بالمشاعرتماديت | |
| خلى حروفي ترتحل عندبيته | |
| كل المشاعروالأحاسيس والبيت | |
| وكل الشوارع وكل درب(ن)وطيته | |
| تصيح بحزانك أذايوم ونيت | |
| وتقول يالله جعل ماضاق بيته | |
| جعله عزيزومنزله دوم عليت | |
| لايضيق صدره والحزن لاعطيته | |
| غالي ورب الكون مايوم وفيت | |
| حقك كبيرومنزلك ماوفيته | |
| مهماكتبت من القصايدوخطيت | |
| لابدأقول أني معه ماكفيته | |
| هذي حقيقه قلتهاماتقاويت | |
| مدري ظروفي ولاحظي هويته | |
| أعلنت في بعدك طواري وشديت | |
| يم الدياراللي مداهاطويته | |
| سامح شعوري لوتقاصروزليت | |
| ودربك فديته لوتباعدمشيته | |
| عساك طيب كل مارحت وأبديت | |
| وزولك فديته لويغيب أحتريته | |
| أذكرصحيبك كل ماأصبحت وأمسيت | |
| يشيل حزنك لاحزنت ولفيته |
4 مشترك
أعرف وأقدر
اميرة الورد- متميز مع الشرف
- عدد المساهمات : 1378
نقاطي : 12523
تاريخ التسجيل : 26/01/2011
العمر : 42
الموقع : الرس
αяgεntinα giяL- عضو متميز
- عدد المساهمات : 1349
نقاطي : 11965
تاريخ التسجيل : 04/02/2011
العمر : 27
الموقع : آبوظـ[AD]ـبي
صح لساااان شاااعرة منتدانا
هه
تسلميييين ع الكلمآت ’~*
هه
تسلميييين ع الكلمآت ’~*
صــ( الورد )ــــفـــاء- لصاحب أفضل تعليق ,,,,
- عدد المساهمات : 1617
نقاطي : 12030
تاريخ التسجيل : 25/01/2011
روووعه يا الغلا
يخليك لنا وماننحرم طلتك
يخليك لنا وماننحرم طلتك
الشروق- نائب المدير
- عدد المساهمات : 498
نقاطي : 11102
تاريخ التسجيل : 26/01/2011
صح لسانك أميرة الورد .... ويعطيك العافية على الأبيات الجميلة ...
مواضيع مماثلة
